تويتات علي مواصفات الرئيس القادم لمصر

لازم رئاسة مصر تبقى عقوبة لكل انسان يفكر فيها، عشان ما يترشحلهاش غير الانسان اللي بيحب مصر ومستعد يتعذب عشانها

لازم يكره اليوم اللي اتولد فيه عشان بقى رئيس مصر 

لازم الشعب يجيله في احلامه فيقوم مفزوع

لازم لما يشوف القصر الرئاسي من بعيد تجيله حالة هيستيريا ويفضل يقول: ارجووووك.. سيبني اعيييش.. سيبني اعييييش 

لازم لما حد يقول له يا سيادة الريس نفسه تقوم عليه ويجيب اللي في بطنه

لازم وهو بيسيب الرئاسة احنا نقول له: ما ترشح نفسك تاني؟ وهو يطلع يجري عريان وهو بيقول: لأأأأأأأ لأأأأأأأأأأأ

يقدر يترشح وما يخافش.. احنا مش حنعمل له حاجة.. احنا بس حنعرفه غلطه

الآخر نقوله بكره هتتابعي في سوق الجواري يا زمرردة

gm

لرئيس الجديد لمصرلازم يكون مبيخلفش 

انتوا ليه مش عايزينه يكون بيخلف؟ ما يخلف وناخد عياله يخدمونا بصك عبودية يخلص لما هو يسيب الرئاسة 

 ايون هو يجي بس احسن الجيش مكهربنا بصراحه

ما يخافش، ما يخافش.. احنا حنبوس الجيش اهو وحيروح، وهو ييجي، والختمة كل اللي عملته فينا الشرطة العسكرية لنطلعه على جتته 

لازم يكون ما شاركش في حرب اكتوبر، ولا حتى اتفرج على فيلم بدور

لازم يعترف بالذوق بدل ما يضطرنا نستخدم معاه اساليب سلمية للجان الشعبية

ومراته ما تبقاش عضوة في اي نشاط، لازم يكون راجل بيعرف يلم حريمه في البيت وما يطلقهاش علينا 

لازم كرسي الرياسة يكون مكهرب.. واياك يقوم من عليه الا لما نقول له

ما يكونش بيلعب اسكواش، ويبقى مدخن، وبينام متأخر، وعنده القلب والايدز عشان ما يقعدلناش ميت سنة ويتعافى علينا 

ولازم يمضي حضور وانصراف، ولو جه متأخر يتخصم من مرتبه، ومرتبة يبقى 1200 حد ادنى للاجور 

وما يقولناش ايها المواطنون، ولا يا شعب مصر العظيم، ولا اي حاجة من دي، ما يقولناش غير يا اسيادي وتاج راسي، انا خدامكم 

ولما يعمل اجتماع في مجلس الشعب كل الاعضاء يحدفوا عليه الجزم كتقليد دائم

يكون عمره.. عمره.. عمره ما ساق طيارة ولا ركبها ولا حتى طير طيارة ورق وهو عيل وما يكونش قتل واتقتل 

وما يعملش زيارات مفاجئة للمصانع يوم السبت الساعة حداشر، احنا اللي حنعمل له زيارات مفاجئة كل تلات ساعات 

ده احنا حنبهدله.. بس هو ييجي ابن ال.. ده

ولو نجح بنسبة اكتر من 55% في الانتخابات ياخد اعدام 

الموبايل بتاعه يبقى كارت مش خط، وما يتسمحلوش بانه يشتري كارت بأكتر من 10 جنيه، ويقدم الفاتورة 

 وتكون رنتة اركب الحنطور واتحنطر

في كل عيد عمال يقعد ساكت والشعب هو اللي يخطب فيه، وهو يصقف للشعب، ويقول له شعرم ولو الشعر ما عجبناش حنعدمه 

وممنوع يعقد اجتماعات مغلقة، ولا اتصالات هاتفية بالزعماء، كل حاجة تبقى على مية بيضا وفي مؤتمر شعبي 

اصلا الشعب كله يبقى مراقب تليفونه وحاطط له كاميرا في كل حتة 

وما يسكنش في القصر الرئاسي، ده احنا حناخده ونتنطط على الكنب، هو يسكن في فيصل في شارع العشرين، شقة مطرحين وعفشة مية 

ما يحضرش ماتشات خالص، وما يتصلش بحسن شحاتة، ولو اتصل بمدرب المنتخب هو والمدرب والمنتخب يتعلقوا من رجليهم 3 ايام في التحرير 

وامين الشرطة كل ما يشوفه يقوله بطاقتك يالا وكل ما تحصل حادثة ياخدوه يحققوا معاه ويلطشوه بالقلم ويقولوا له رد عدل ياض 

ويشتغل مرشد لصالح الشعب غصب عنه ولو ما رضيش نبلعه كرسي الرئاسة

ونراقب ميله، ولو ما عجبتناش الميلات نقطع عليه النت والموبايل ويتكلم من عند البقال، ونراقب البقال وتليفونه ونعذبه 

ومالوش دعوة بقناة السويس خالص، ولا ينطق سيرتها ولا يجيب اسمها ولا يعرف اساسا ميزانيتها فيها ايه 

ويدخل الجيش.. تاني 

يحظر حظرا باتا: حكمة الرئيس، الواقعية، التعامل مع الامر الواقع، لازم يبقى اخرق احمق اهوج ابله 

والصحف القومية تشتمه، وصحف المعارضة تقول لهم: حرام عليكم مهما كان ده انسان برضه

كل شوية حد من الشعب يتصل بيه على تليفونه الخاص ويسب له الدين ويقفل